Procesohen rreth 70% e votave në përfaqësitë diplomatike, VV prin me rezultat 

Komisioni Qendror i Zgjedhjeve përmes platformës elektronike të rezultateve zgjedhore ka përditësuar të dhënat e votave në përfaqësitë diplomatike të Kosovës.

Deri më tani janë procesuar 70 për qind e rezultateve nga 43 përfaqësi diplomatike.

Lëvizja Vetëvendosje prin dukshëm me 81,97 për qind, Lidhja Demokratike e Kosovës 7,5 për qind të votave, Partia Demokratike e Kosovës 6,14 për qind dhe koalicioni AAK-Nisma 1,5 për qind të votave.

Ndërkohë KQZ po vazhdon numërimin e votave të ardhura nga përfaqësitë diplomatike.