Vuçiq mohon aktin terrorist në Zubin Potok, por përmend planin për zbrazje të Ujmanit

EPA/ANDREJ CUKIC

Presidenti i Serbisë, Aleksander Vuçiq, ka folur në një konferencë për media dy ditë pas sulmit terrorist që dëmtoi kanalin e ujit në Zubin Potok të Kosovës.

Mes tjerash, në konferencë Vuçiq përmendi një plan të vitit 1985 që do ta zbrazte liqenin e Ujmanit.

Ai tha se “nëse ndonjë nga serbët ka marrë pjesë në këtë, ata menjëherë do të arrestohen dhe do të ndiqen penalisht”. Por kjo, sipas tij, “nuk do të ndodhë”.

“E solla këtu materialin e plotë të Srbijavodit (ndërmarrja publike e ujësjellësit në Serbi). Që nga viti 1985 ka pasur një ide se ne mund ta devijojmë rrjedhën e Ibrit dhe ata do të mbeten pa Gazivodë. Dhe pastaj nuk ka më liqe. Unë kam qenë gjithmonë kundër, nuk kam dashur ta përdorim natyrën për politikë. Kështu u dhamë energji elektrike. Nuk do ta shkatërrojmë, dikush ka menduar shumë marrëzi”, tha ai.

“Ne nuk kemi nevojë për terrorizëm, por një vendim administrativ dhe dy muaj punë, por unë kam qenë kundër”, tha Vuçiq.