270 mijë këmbësorë, viktima të trafikut gjatë vitit 2012

Për çdo vit rreth 1.24 milionë viktima humbin jetën në komunikacion në tërë botën. Shkaktarë të fatkeqësive janë më shumë të rinjtë nga 15 deri 29 vjeç

Sipas raportit të Organizata Botërore e Shëndetësisë (OBSH) më shumë se 270 mijë këmbësorë kanë vdekur në komunikacion në mbarë botën vitin 2012.

Për çdo vit rreth 1.24 milionë viktima humbin jetën në komunikacion në tërë botën. Shkaktarë të fatkeqësive janë më shumë të rinjtë nga 15 deri 29 vjeç.

38 për qind të viktimave këmbësorë janë në rrugët e Afrikës. Në vende si Liberia përafërsisht dy të tretat e të gjithë viktimave janë këmbësorë.

Kjo vlen edhe për El Salvadorin. Nga ana tjetër, norma më e ulët e vdekjeve të këmbësorëve në komunikacion është në Azinë Juglindore me 12 për qind.

Sipas OBSH-së, në vendet e industrializuara të moshuarit janë më të ekspozuar ndaj rrezikut në komunikacion. Në vendet me të ardhura të ulëta ose të mesme janë veçanërisht fëmijët më të rrezikuar nga aksidentet në trafik.

OBSH u bëri thirrje qeverive për të përmirësuar sigurinë për këmbësorë në vendet e tyre. Jo vetëm për të kontrolluar shpejtësisë apo ndalimi e alkoolit dhe telefonave mobil, por edhe për të bërë ndarjen e qartë të rrugëve me vendkalimin e këmbësorëve .

“Nëse rrugët janë të sigurta, më shumë njerëz do të udhëtojnë në këmbë,” tha zëvendës drejtori i OBSH-së, Oleg Chestnov.