318 milionë për bursa dhe kredi

Më së shumti bursistë në krahasim me numrin e banorëve kanë kantonet Valis, Graubünden dhe Jura ndërsa më së paku kantonet: Glarus, Cyrih dhe Zug

Gjatë vitit 2012 kantonet e Zvicrës kanë dhënë së bashku rreth 318 milionë franga për bursa dhe kredi, prej të cilave kanë përfituar rreth 50 mijë studentë dhe nxënës. Shumat e dhëna ndryshojnë shumë për nga lartësia, nga kantoni në kanton.

Kantonet gjatë vitit të kaluar kanë dhënë në formë të bursave 302 milionë franga ndërsa në formë të kredive, afër 16 milionë franga, bën të ditur Zyra Federale për statistikë (BFS).

Shuma më e madhe e dhënë në merin e bursave dhe kredive qe arritur në vitin 1993, kur ishin ndarë 357 milionë franga. Pas atij viti, deri në vitin 2009 shumat kanë ardhur duke rënë. Krahasuar sipas fuqisë aktuale blerëse, për shkak të shtrenjtimeve, bursat nga viti 1993 deri më sot kanë rënë për 22 për qind ndërsa kreditë madje 57%.

Po ashtu edhe federata ka subvencionuar arsimimim me 25 milionë franga, që është për 100 milionë më pak se në vitin 1993. Kështu, nëse në vitin e përmendur federata merrte pjesë me një të tretën e shumës, në vitin 2012 pjesëmarrja ka rënë në gjithsej 8 për qind.

Mesatarja për gjithë Zvicrën e kontributeve për bursa gjatë vitit 2012 ka qenë 6500 franga. Më e lartë kjo mesatare, 9100 franga, ka qenë në kantonin Vaud dhe 8400 franga, në Cyrih. Ndërsa në kantonet Neushatel dhe Valis ajo nuk arrinte mbi 4000 respektivisht 4600 franga., shkruan Aargauer Zeitung.  

Më së shumti bursistë në krahasim me numrin e banorëve kanë kantonet Valis, Graubünden dhe Jura ndërsa më së paku kantonet: Glarus, Cyrih dhe Zug.