37 viktima të tansportit publik për një vit

Rreziku i vdekjes për udhëtarët e trenit është 102 herë më i vogël se i biçiklistëve dhe 209 herë më i vogël se i motoçiklistëve!

Gjatë vitit 2012 janë shënuar 37 viktima të aksidenteve të ndryshme në transportin publik, që është për 6 më shumë se një vit më parë. Nga 37 të vdekurit, 28 kanë pësuar në fatkeqësitë hekurudhore, që, në krahasim me vitin paraprak kur ishin 13, bëhet fjalë për një dyfishim të viktimave.

Vetëm 2 nga viktimat në transportin publik kanë qenë pasagjerë. Të tjerët janë persona që janë shkelur nga trenat ose që kanë provuar të ngjiten në trenat në lëvizje etj. kështu, sipas raportit të publikuar sot të Entit Federal për Komunikacion (BAV), 14 persona kanë vdekur nga “veprimet mendjelehta”: 5 veta janë shkelur nga trenat derisa po provonin të kalonin në mënyrë të palejueshme binarët. Dy të tjerë kanë gjetur vdekjen duke ecur këmbë në tunelin ku do të kalonte treni. Shumica e aksidenteve të tilla ndodhin natën dhe numri më i madh i viktimave janë të rinj, thuhet në raport.

Tete persona që kanë humbur jetën në transportin publik kanë qenë punëtorë ndërtimtarie ose të punësuar në ndërmarrjet e transportit.

13 veta kanë humbur jetën si viktima të mjeteve të transportit publik. Disa si këmbësorë e të tjerët me automjetet e tyre.

Me gjithë numrin e përmendur të viktimave, transporti publik në Zvicër konsiderohet si mënyra më e sigurt e transportit. Rreziku për një aksident me të vdekur për udhëtarët e trenit, për shembull është 102 herë më i vogël se për ata që ngasin biçikletën , ndërsa ngasësit e motoçikletave janë madje për 209 herë më të rrezikuar se shfrytëzuesit e transportit publik.