5 miliardë franga për Ushtrinë Zvicerane prej 100 mije ushtarësh

Komisioni për politika të sigurisë në Dhomën e Kantoneve të Parlamentit të Zvicrës ka votuar sot pa asnjë votë kundër ligjin mbi reformën e planifikuar të forcave ushtarake të Zvicrës.

Si rezultat i votimit del që Ushtria e Zvicrës ë marrë maksimalisht 5 miliardë franga në vit nga buxheti shtetëror. Këtë segment dhoma në fjalë e kishte votuar qysh në sesionin e marsit, kur ishte pajtuar po ashtu që ushtria të zvogëlohej nga 200 mijë në 100 mijë pjesëtarë.

Komisioni i përmendur ndërkaq nuk dëshiron të trajtojë kërkesën e ardhur nga Dhoma Nacionale e Parlamentit sipas të cilës duhet vendosur me ligj një shumë e caktuar e buxhetit për ushtrinë.

Reforma e ushtrisë kishte dështuar në sesionin veror, veç tjerash edhe për shkak të kësaj çështjeje.