8 viktima nga zjarri, 7 prej tyre fëmijë

Rreth 13 persona figuronin si banorë në këtë ndërtesë, ndërsa njoftohet se 8 të vdekurit i takojnë një familjeje turke që banonte aty

Së paku 8 veta kanë vdekur si pasojë e zjarrit që ka përfshirë një bllok banimi në landin Baden Würtemeberg në jug të Gjermanisë, 7 prej të cilëve fëmijë. Siç bën të ditur policia, zjarri ka kapluar paraditen e të dielës një ish-fabrikë lëkure të që shërbente si ndërtesë  banimi, në qytetin Backnang, pranë Shtutgartit.

Ndonëse në këtë bllok banimi jetonin dy familje turke policia thotë se nuk ka indikacione për zjarrvënie të qëllimshme ose për sulm me bazë ksenofobie.

Furrat dhe ngrohëset supozohet të kenë qenë burimi i zjarrit, në dy katet e para të ndërtesës thotë policia.

Katër  persona janë shpëtuar nga ballkoni, ndërsa identiteti i viktimave nuk është bërë ende i ditur.

Rreth 13 persona figuronin si banorë në këtë ndërtesë, ndërsa njoftohet se 8 të vdekurit i takojnë një familjeje të madhe turke që banonte aty.