Tutje, Bardhi tha se deri me tash kanë arritur të aplikojnë 99 mijë vaksina në nivel vendi.

“Aktualisht deri në këto momente janë vaksinuar 250 persona në sallën ‘1 Tetori’, përderisa nëse flasim në nivel vendi, deri më tani kemi mbi 650 vaksina të dhëna, në total deri më tash kemi arritur në 99 mijë vaksina të aplikuara në nivel vendi”.

Bardhi tha se nuk dihet kur do të fillojë vaksinimi për personat nën moshën 65-vjeçare, pasi që tha varet nga rekomandimet e komitetit.

“Ajo varet nga komenti kur del rekomandimi dhe pritet shumë shpejt pasi që e dini se nga data 15 qershor fillon vaksinimi masiv”.

Presidentja e Kosovës, Vjosa Osmani-Sadriu dhe kryetari i Kuvendit, Glauk Konjufca, janë vaksinuar kundër koronavirusit, ku edhe kanë parë nga afër “përgatitjet për vaksinimin në masë që do të fillojë nga java e ardhshme.

Presidentja Osmani, me këtë rast ka porositur të gjithë qytetarët që sapo të fillojë vaksinimi masiv, t’i përgjigjen ftesës për vaksinim të Ministrisë së Shëndetësisë.

Edhe Konjufca ka ftuar qytetarët që ta marrin vaksinën, sepse sipas tij, me vaksinim bëhet e mundshme hapja, rikthimi i normalitetit, por edhe stabiliteti i përgjithshëm.