Si pasojë e referendumit zviceran bie çmimi i arit

.

Çmimet e arit dhe të argjendit kanë shënuar rënie në berzat bankare pas vendimit të së dielës në referendumin zviceran që Banka Nacionale e Zvicrës nuk duhet të shtojë rezervat e arit.

Shumica e votuesve zviceranë në referendumin e së dielës e kanë hedhur poshtë propozimin që Banka Nacionale e Zvicrës të dyfishojë rezervat e arit nga 8 për qind në 20 për qind të rezervave të përgjithshme.

Nisma ishte kritikuar ashpër nga aktorët politikë dhe ekonomikë në Zvicër për shkak të faktit se një vendim pozitiv nga referendumi do të zvogëlonte aftësinë e udhëheqjes së politikës monetare.

Shumë tregtarë të arit kanë shpresuar në miratimin e kësaj iniciative për të zvogëluar humbjet e tyre.

Banka Nacionale e Zvicrës posedon 1040 tonë ari, ndërsa planifikonte blerjen edhe të 1500 tonë për 60 miliardë franga zvicerane.