970 persona humbën jetën në fatkeqësi ajrore

2014-a ishte vit jo shumë i qetë për fluturimet komerciale. Në fatkeqësi ajrore gjatë këtij viti janë regjistruar 970 vdekje.

Ilustrim

Aksidentet e avionëve e kanë dëmtuar rekordin e sigurisë të vitit të kaluar në transportin ajror. 

Një listë e 60 linjave ajrore më të sigurta në botë është tronditur vitin e kaluar.

Numri i vdekjeve në fatkeqësi ajrore të linjave komerciale, sipas studiuesve, është ngritur në 970 në gjithë botën më 2014. 

“Bëhet fjalë për shifra më të lartë në dhjetë vjetët e fundit”, shkruan Jan-Arwed Richter, bashkëthemelues i zyrave të Hamburg Aircraft Aksident “Jet Airliner Crash Data Evaluation Centre” (JACDEC).

Kemi të bëjmë pothuajse katër herë më shumë sesa në vitin e kaluar, kur vetëm 251 veta vdiqën në fatkeqësi ajrore, shpjegohet në një artikull të revistës së aviacionit “Aero International”.

Rreth gjysma e viktimave janë regjistruar në rajonin e Azisë dhe Paqësorit. Edhe pse fluturimi është jashtëzakonisht i sigurt, dy fatkeqësitë e mëdha kanë prekur “Malaysia Airlines”, e cila ka rrëshqitur në listë për nga siguria nga vendi i 34-të në të 57-in, ndërsa “Lufthansa” mbetet e pandryshuar në vendin e 12-të, linja ajrore e dytë më e madhe e Gjermanisë “Air Berlin” është ngjitur nga vendi i 26-të në vendin e 20-të.

Si kompani ajrore më e sigurt në botë në këtë listë është  “Cathay Pacific” nga Hong-Kongu, kompanitë nga Emiratet Arabe, “EVA Air” nga Tajvani dhe “Air Kanada”. Linja ajrore më të sigurta në Evropë janë aktualisht KLM holandeze në vendin e pestë, përpara  “Air New Zealand” dhe “Qantas” nga Australia.

Ukraina me rrëzimin e “Boeing 777” nga Malajzia është vendi me një total prej 300 vdekjeve që është i parafundit në listë për nga siguria para rajonit të Azisë dhe Paqësorit, ku ndodhën gjysma e katër aksidenteve më të rënda vitin e kaluar.