Pse po dobësohet euro?

Monedha e përbashkët evropiane euro ka shënuar rënien më të madhe kundrejt dollarit në nëntë vjetët e fundit.

Arsyeja për rënien thuhet të jenë spekulimet se Banka Qendrore Evropiane (BQE) është më afër programit për një blerje të madhe të obligimeve të qeverisë, shkruan Agjencia “Bloomberg”.

Në Azi, monedha e përbashkët evropiane ra në vetëm 1,2 për qind në 1186 dollarë, në nivelin më të ulët që nga marsi 2006.

Në rënien e vlerës së euros, siç vlerësohet nga “Bloomberg”, ka ndikuar edhe fushata zgjedhore në Greqi, e cila sipas parashikimeve të disa analistëve, mund të përfundojë me një fitore për partinë që kundërshton masat shtrënguese.

Në një intervistë javën e kaluar, presidenti i Bankës Qendrore Evropiane, Mario Draghi, tha se ligjvënësit duhet të jenë të përgatitur për të vepruar në mënyrë që të përballen me deflacionin.