Aeroporti i Bazelit, me rekord udhëtarësh

6 milionë e 523.874 udhëtarë kanë kaluar nëpër këtë aeroport që është i vendosur në zonën kufitare të tri shteteve: Zvicër, Francë dhe Gjermani

Aeroporti i Bazelit (Euro-Airpot Basel-Mülhausen) ka shënuar një rekord pasagjerësh në vitin 2014.

6 milionë e 523.874 udhëtarë kanë kaluar nëpër këtë aeroport që është i vendosur në zonën kufitare të tri shteteve: Zvicër, Francë dhe Gjermani.

Kjo shifër është për 11 për qind më e madhe se ajo e një viti më parë gjë që paraqet një rritje sa dyfishi i mesatares evropiane për vitin që shkoi.

Për vitin në të cilin kemi hyrë Aeroporti Basel-Mülhausen planifikon rritje prej 3 për qind të numrit të udhëtarëve në krahasim me vitin 2014. Por dukshëm më e madhe parashikohet rritja e transportit të mallrave përmes këtij aeroporti, gjegjësisht 19 për qind. Arsye për këtë rritje të madhe është ngritja e cargo terminalit të ri i cili lëshohet në qarkullim gjatë janarit.

Aeroporti, që në Zvicër njihet si “i Bazelit”, është i treti për nga madhësia në mesin e aeroporteve zvicerane, pas aeroportit të Cyrihut me mbi 25 milionë dhe atij të Gjenevës, i cili vitin qe shkoi ka pasur rreth 15 milionë udhëtarë.