Rekord: 208 miliardë franga eksportet e Zvicrës

Zvicra gjatë vitit të kaluar ka eksportuar mallra më shumë se kirrë ndonjëherë deri më tash. Eksportet zvicerane në vitin 2014 janë rritur për 3.5 për qind duke arritur kështu në 208 miliardë franga.

Administrata Tatimore Federale ka njoftuar se krahas rritjes së eksporteve Zvicra ka pasur një stagnacion të importeve. Ato janë ndalur në 178.3 miliardë franga.

Në këtë raport në mes të eksporti dhe importit, fitimi në bilancin tregtar ka qenë 30 miliardë franga që është po ashtu një rekord i ri.

Por, pas shkëputjes që në janar të këtij viti Banka Nacionale e Zvicrës bëri nga kursi minimal kundrejt euros, shumë ekspertë mendojnë se këtë vit eksportet do të kenë një rënie.