Sot bëhet testimi i sirenave në gjithë Zvicrën

Sot, e mërkurë, rreth orës 13.30 në gjithë Zvicrën do të bëhet testimi i funksionimit të sirenave të alarmit. Ky testim do t`u bëhet rreth 7800 sirenave sa janë të instaluara në Zvicër, bën të ditur Zyra Federale për Mbrojtje të Popullatës.

Në mes të orës 13.30 dhe 14.00 do të aktivizohet sinjali i quajtur “Alarm i përgjithshëm” që do të zgjasë një minutë.

Më vonë, nga ora 14.15 deri në orën 15 në zonat e rrezikuara nën pendat e lumenjve do të testohet sinjali “Rreziku nga uji”. Ai përbëhet nga 12 tone të ulëta, secili nga 20 sekonda.