Berset: Hebrenjtë në Zvicër janë në shtëpinë e tyre

Siguria e tyre duhet të garantohet ka thënë ministri duke iu referuar shpeshtimit të akteve antisemitiste edhe në Zvicër

Është hera e parë që nga pozita më e lartë e shtetit, nga Këshilli Federal gjendja e hebrenjve gjegjësisht problemi i antisemitizmit po trajtohet me seriozitet. Kështu ka thënë Herbert WInter, kryetari i bashkësisë së organizatave izraelite të Zvicrës (SIG) në një intervistë që i ka dhënë radios SRF4.

Me trajtim serioz ai ka menduar deklaratën më të re të ministrit të brendshëm federal, Alain Berset ku ai ka theksuar se hebrenjtë i takojnë shoqërisë zvicerane dhe këtu janë në shtëpinë e tyre. Siguria e tyre duhet të garantohet ka thënë ministri duke iu referuar shpeshtimit të akteve antisemitiste edhe në Zvicër.

Winter shpreson që së shpejti edhe i gjithë Këshilli Federal (qeveria) të dalë me një deklaratë zyrtare ku do të merrte një qëndrim lidhur me temën e antisemitizmit, njofton srf.ch.

Fjalë të qarta në mbështetje të bashkësisë së hebrenjve pret edhe deputeti nacional nga SP/S, Manuel Tornare. AI ka thënë se shefat e qeverive tjera evropiane tashmë e kanë bërë një akt të tillë. “Është mbase simbol, por një simbol i domosdoshëm në këto kohëra”, ka thënë Tornare. Në këtë drejtim ai planifikon t`i drejtohet së shpejti Këshillit Federal me një kërkesë parlamentare.