Mjekët e huaj, detyrimisht duhet të njohin gjuhën e vendit

Mjekët që vijnë nga jashtë dhe duan të ushtrojnë profesionin e tyre në Zvicër duhet detyrimisht të kenë njohje të mjaftueshme të njërës nga gjuhët e vendit. Ky është vendimi më i ri që ka marrë sot Dhoma Nacionale e Parlamentit të Zvicrës duke ndjekur pjesërisht qëndrimin që më parë ka marrë Dhoma e Kantoneve e këtij parlamenti.

Ndërkaq d dhomat e përmendura vazhdojnë të kenë qëndrime të ndryshme nëse spitalet dhe punëdhënësit tjerë të mjekëve mund të ndëshkohen me gjoba në rast se kanë punësuar ndonjë mjek me mangësi në njohjen e gjuhës së vendit. Këtë kontest duhet ta zgjidhë konferenca e unifikimit, e përbërë nga përfaqësues të të dyja dhomave.

Një rishikim që është duke iu bërë ligjit mbi profesionet mjekësore synon të përforcojë përkujdesjen bazike mjekësore dhe mjekësinë familjare.