Përkundër frangut të fortë, rritje e turizmit gjatë shkurtit

Në Zvicër, pas shkëputjes së kursit të frangut nga lidhja me euron, që ndodhi nga mesi i janarit, ekzistonte frika e arsyeshme se dega që do të pësonte më së shumti nga forcimi i frangut, do të ishte turizmi. Kjo për faktin e thjeshtë se për turistët e jashtëm pagesa e shërbimeve hoteliere me frang do të ishte më e shtrenjtë.

Mirëpo, së paku gjatë muajit shkurt, ka ndodhur e kundërta: hotelet zvicerane gjatë shkurtit kanë shënuar 3.1 milion bujtje që është për 6 për qind më shumë se në muajin shkurt të vitit 2014.

Siç ën të ditur Zyra Federale e Statistikës, ajo që ka ngritur më shumë këtë tregues është rritja e madhe e numrit të turistëve nga Azia. Bujtjet e aziatikëve në hotelet zvicerane janë rritur për pothuaj një të katërtën, transmeton albinfo.ch. Por, edhe numri i turistëve nga vendet evropiane, ndonëse në mënyrë simbolike, megjithatë është rritur, për 1%.

Nga rritja e përmendur anë përfituar pothuajse të gjitha regjionet turistike. Por rritja më e madhe është shunuar në regjionet malore rreth liqenit Vierwaldstätter-See (rreth Lucernit).