Zviceranët, të tretët në Evropë për blerje online

keystone

Blerja përmes internetit ose online po bëhet gjithnjë më e pranishme kudo në botën perëndimore. Në Zvicër k trend po ashtu po shënon rritje.
Sipas një raporti të publikuar nga Zyra Federale për Statistikë, Zvicra zë vendin e tretë në Evropë për “pazare” online.
Në tre muajt e fundit para se raporti të publikohej, 62 për qind të zviceranëve të anketuar në moshën 16 deri 74 vjeçare kanë pohuar se kanë blerë së paku një herë online.
Zvicrës në këtë drejtim ia kalojnë vetëm Danimarka, ku kjo shkallë është 66 për qind dhe Mbretëria e Bashkuar (Britania e Madhe) ku, me 72% bëhen më së shumti blerje përmes internetit, bën të ditur raporti.
Ndërkaq, mesatarja e të gjitha vendeve të Bashkimit Evropian në këtë pikë është 41 për qind.