Rritet numri i fëmijëve të keqtrajtuar në Zvicër

Në 78 për qind të të gjitha rasteve të abuzimit janë anëtarët e familjes, në rreth 13 për qind të afërmit e fëmijës

Vazhdon të rritet numri i fëmijëve të keqtrajtuar dhe të abuzuar, sipas Shoqatës zvicerane të Pediatrisë.
Vitin e kaluar 1405 raste janë regjistruar në 21 spitale të fëmijëve, kjo paraqet një rritje prej 9 për qind.
Tre fëmijë vdiqën në spitalet e fëmijëve si rezultat i keqtrajtimit. Dy foshnjat ishin më pak se një vit dhe përjetuan abuzim fizik. Një fëmijë tjetër ishte në mes një dhe dy vjeç që vdiq nga neglizhenca.

Forma më e zakonshme e abuzimit të fëmijëve është keqtrajtimi fizik. Bëhet fjalë për më shumë se 28 për qind të të gjitha rasteve të zbuluara. E dyta, është abuzimi psikologjik, 27 për qind. Përqindja e fëmijëve që kanë qenë të abuzuar psikikisht ishte rritur vitet e fundi.

Abuzimi psikik përfshin rastet kur fëmijët janë të kërcënuar apo të detyruar. Edhe fëmijët, të cilët janë dëshmitarë të dhunës në familje, që janë frikësuar në masë të madhe, konsiderohen si abuzim psikik. 23 për qind e fëmijëve ishin të keqtrajtuar seksualisht dhe 22 për qind ishin lënë pas dore.

. Vetëm rreth 3 për qind të të gjitha rasteve autori i krimit është një i huaj. Në rreth 7 për qind ai është i panjohur.

Për çdo të pestin rast mjekët alarmojnë autoritetet. Në më pak se njëqind raste grupi për mbrojtjen e fëmijëve kishte paraqitur një padi penale. Abuzimi i fëmijëve shpesh ndodh në familje që jetojnë në kushte të vështira sociale.