Aksident i rëndë në San Bernardino, bllokohet autostrada

Në një aksident të rëndë që ka ndodhur paraditen e të dielës në rrugën e San Bernardinos, në vendin e quajtur Sufers janë lënduar një numër personash. Policia Kantonale e Graubündenit ka bërë të ditur se aksidenti ka ardhur si pasojë e përplasjes frontale në mes të disa makinave. Helikopteri (Rega) dhe autoambulancat kanë shkuar në vendin e aksidentit.

Autostrada A13 në mes të lokaliteteve Nufenen dhe Medels ashtu sikurse rruga kantonale në të dy drejtimet është mbyllur. Policia konsideron se bllokimi i rrugës nuk do të hiuqet para orës 18. Kjo shkakton një vështirësim të madh të komunikacionit në aksin veri-jug të Zvicrës, duke bërë që të zgjaten kolonat para tunelit të Gotthardit për disa kilometra.