Qeveria vendos për pranim humanitar të refugjatëve sirianë

Gjatë kësaj vere do të vijë për t`u strehuar një grup i refugjatëve sirianë në gjendje veçanërisht të vështirë. Ndërsa gjatë tri viteve të ardhshme nga kjo kategori Zvicra do t`i strehojë 3000 persona, bën të ditur Sekretariati Federal për Migracion (SEM) në një komunikatë të publikuar.

Dosjet e refugjatëve sipas autoriteteve të migracionit duhet t`i prezantohen Shërbimit Informativ Federal. Përmes kësaj do të mundësohet që në kontingjentet që pranohen të mos infiltrohen persona që kanë marrë pjesë në luftime ose në krime lufte, të cilët potencialisht mund të dëmtojnë gjendjen e sigurisë në Zvicër.

Personat që do të pranohen nuk do të detyrohen fare të kalojnë nëpër procedurë të rregullt azili.

Këshilli Federal ka vendosur në muajin mars që gjatë tri viteve në vijim të pranojë në strehim humanitar 3000 refugjatë nga Siria, të cilët pastaj do të marrin statusin e refugjatit. Ata do të shpërndahen nëpër kantone ku do të strehohen.

Një numër prej maksimalisht 1000 refugjatësh do të pranohen gjatë këtij viti. Ndërsa Këshilli Federal do ta bëjë gjatë vjeshtës një bilanc të parë.
Vendimi merret si reagim ndaj situatës së rëndë humanitare në Siri.