Valixhet e dorës që lejohen në aeroplan, 40% më të vogla!

Keystone

Federata Ndërkombëtare e aviacionit civil IATA ka vendosur për një reduktim drastik të madhësisë së lejuar të valixheve që udhëtarët i marrin me vete në aeroplan. Me këtë qëndrim, në të ardhmen do të lejoheshin vetëm valixhet që janë 40 për qind më të vogla se këto që lejohen sot.

Modeli i lejuar i valixheve që nënkupton vëllimin e zvogëluar mban emërtimin “IATA Cabin OK” dhe ai është prezantuar gjatë kësaj jave në Konferencën vjetore të IATA, shkruan nzz.ch. Si shkas për këtë vendim, federata ka paraqitur vështirësitë në rritje që ka personeli i aeroplanëve për t`u bërë vend në kabinë valixheve të dorës të të gjithë pasagjerëve.

Edhe pse njëherë për njëherë ky ende nuk është vendim me fuqi detyruese. Por ata, më herët ose më vonë do të detyrohen të zvogëlojnë vëllimin e valixheve të dorës, transmeton albinfo.ch. Kompanitë e mëdha ajrore si Lufthansa, Emirates dhe Qatar sipas IATA tashmë kanë dhënë sinjalizimet e tyre se do të pranojnë këtë model.