Me protestë kërkohet mbyllja e thertoreve

Protestuesit kanë thënë se gjithnjë më tepër njerëz kundërshtojnë “shfrytëzimin brutal të kafshëve”

Të shtunën në Bernë, rreth gjashtëqind persona kanë protestuar duke kërkuar mbylljen e të gjitha thertoreve në Zvicër.

Protestën e ka thirrur organizata për mbrojtjen e kafshëve e njohur me emrin “tier-im-fokus”.

Organizatorët, në fletëpalosjet që kanë shpërndarë kanë apeluar kundër thertoreve duke i cilësuar ato si vendet më brutale, shkruan srf.ch. Në tekst pastaj paraqitet lista e metodave që përdoren për mbytjen e kafshëve.

Protestuesit kanë thënë se gjithnjë më tepër njerëz kundërshtojnë “shfrytëzimin brutal të kafshëve”. Sipas tyre në kushtet bashkëkohore, njerëzit nuk janë të varur ngaa produktet me origjinë shtazore.