Aktivistët e gjuajnë me torte “15%” kryetarin e ZRRE-së

Aktivistët po kundërshtojnë rritjen e paralajmëruar prej 15 për qind të çmimit të rrymës (Video)

Mësohet se aktivistët e nismës “Asnjë cent më shumë” i kanë bërë një “dhuratë” simbolike kryetarit të Zyrës së Rregullatorit për Energji (ZRRE), Ymer Fejzullahu – një tortë me mbishkrimin “15%”, përcjell albinfo.ch.

Ngjarja ka ndodhur të enjten, në një parking. Fejzullahu nuk e pranoi tortën, ndërsa aktivisti Dibran Hoxha ia hodhi atë sapo kryetari i ZRRE-së hyri në veturë.

Aktivistët po kundërshtojnë rritjen e paralajmëruar prej 15 për qind të çmimit të energjisë elektrike, që pritet të hyjë në fuqi nga prilli.

Në këtë kuadër, të shtunën, më 5 prill, është paraparë të mbahet një protestë qytetare nga ora 15:00 në sheshin “Skënderbeu” në Prishtinë.

---