Ambasadori gjerman: Shembja e Teatrit Kombëtar në Tiranë, e nxituar

Deklaratë e ambasadorit Peter Zingraf: Shembja e nxituar e Teatrit Kombëtar në Tiranë

Pas shembjes së Teatrit Kombëtar, ka reaguar edhe ambasadori gjerman Peter Zingraf, ku me këtë rast u ka bërë thirrje aktorëve dhe protestuesve që të përmbahen dhe të shmangin grumbullimet, duke qenë se është edhe pandemia e koronavirusit, shkruan albinfo.ch.

Në profilin e tij zyrtar Zingraf shprehet se shembja e Teatrit Kombëtar në orëte para të mëngjesit të sotëm ishte e papritur dhe e nxituar për të, ndërkohë që duhen pasur parasysh edhe rregullat e pandemisë.

“Shembja e nxituar e Teatrit Kombëtar në Tiranë agimin e ditës së sotme në atë formë, që e pamë, është për mua e vështirë për t’u kuptuar. Pikërisht në situatën aktuale të jashtëzakonshme dialogu mes qeverisë dhe shoqërisë civile si dhe sjellja transparente e qeverisë janë veçanërisht të rëndësishme. Ky zhvillim më shqetëson edhe më shumë nisur nga konteksti i luftës kundër pandemisë së virusit Corona, duke qenë se grumbullimet e njerëzve të ndodhura deri tani dhe ato të pritshme mund të sjellin hapa pas. U bëj thirrje të gjithë aktorëve për dialog dhe vetëpërmbajtje”, shprehet ambasadori. /Albinfo.ch

---