Austria dhuron 600 mijë euro për rindërtimin e Shqipërisë

Republika e Austrisë do të ndihmojë qeverinë shqiptare me 600,000 €, për rindërtimin e banesave të shkatërruara apo dëmtuara

Austria, një nga vendet e para të Bashkimit Evropian që ka ofruar mbështetjen e saj për Shqipërinë e prekur nga tërmeti në kuadër të Mekanizmit të Mbrojtjes Civile të BE-së, dhuron edhe 600.000 mijë euro për rindërtimin e banesave të dëmtuara nga tërmeti.

Marrëveshja u nënshkrua dje midis përfaqësuesve të qeverisë shqiptare dhe asaj austriake, për dhurimin e shumës, përfitues kryesorë të të cilës do të jenë kryesisht bashkitë e Durrësit dhe të Tiranës.

Kujtojmë se Austria ka qenë një nga vendet e para të Bashkimit Evropian që ka ofruar mbështetjen e saj në kuadër të Mekanizmit të Mbrojtjes Civile të BE-së, duke siguruar pas tërmeteve të 21 shatorit dhe 26 nëntorit 2019 gjeneratorë, batanije, krevatë portativë dhe mjete higjeno-sanitare, përcjell albinfo.ch.

---