Azilkërkuesit e rremë, rrezik për levizjen e lirë në Evropë

Abuzimi me azilkërkuesit të rrjeshëm shihet ende si një kërcënim për lëvizjen e lirë mes BE-së dhe vendeve të Ballkanit Perëndimor

Komisioni Europian vazhdon të jetë i shqetësuar për rritjen e numrit të azilkërkuesve që vijnë nga vendet e Ballkanit Perëndimor. 

Në një raport të fundit, Komisioni Europian vëren se pjesa më e madhe e azilkërkuesve të rremë në vendet e BE-së shfrytëzojnë lëvizjen pa viza për të kërkuar azil në vendet perëndimore të BE-së. 

Ky raport iu dërgua edhe Këshillit të BE-së, i cili vërejti se situata me azilkërkuesit nuk po ndryshon dhe se fluksi i azilkërkuesve nga Ballkani Perëndimor mbetet ende i madh. 

Përkatësisht, në Gjermani 70 % e azilkërkuesve vijnë nga Ballkani Perëndimor.

Lista kryesohet nga azilkërkuesit që vijnë nga Serbia dhe me pas nga ata të Maqedonisë.

 Ne vendin e tretë qëndron Shqipëria e ndjekur nga Bosnja.

 Kjo situatë ka bërë që BE-ja të shohë mundësinë e kthimit të regjimit të vizave për vendet e Ballkanit Perëndimor.