Banka Botërore i dhuron 15 milionë euro Shqipërisë për luftën ndaj Covid-19

Është bërë e ditur se Banka Botërore ka miratuar financimin e 15 milionë euro për Shqipërinë për të ndihmuar vendin të parandalojë, të zbulojë dhe t’i përgjigjet pandemisë COVID-19 (coronavirus) dhe të forcojë sistemet kombëtare për gatishmërinë e shëndetit publik, transmeton albinfo.ch.

Financimi mbulon një sërë ndërhyrjesh për të forcuar shërbimet e shëndetit publik dhe për të mbrojtur jetën.

Duke iu përgjigjur kërkesës së Qeverisë, projekti do të sigurojë mbështetje të menjëhershme për të ndihmuar Shqipërinë. Ndihma përfshin zbulimin dhe parandalimin e përhapjes së COVID-19, ndërkohë që fondet do të shkojnë për testime në popullatë; sigurojnë furnizime për të forcuar mbikëqyrjen dhe gjurmimin e kontakteve; investojnë në kujdesin shëndetësor dhe pajisjet laboratorike publike dhe pajisjet mbrojtëse personale; rritin numrin e shtretërve të kujdesit intensiv; dhe forcimin e aftësive për të vlerësuar dhe modikuar kërkesat për distancën fizike.

Projekti gjithashtu do të trajnojë staf mjekësor në kujdesin për COVID-19 dhe parandalimin e infeksionit. Ndërsa Shqipëria ka hyrë në fazën komplekse të rihapjes së ekonomisë së saj, projekti do të ndihmojë gjithashtu në intensikimin e komunikimeve me publikun.

“Banka Botërore qëndron me popullin e Shqipërisë gjatë kësaj krize të paparë. Unë do të doja të njihja përkushtimin e jashtëzakonshëm të profesionistëve të shëndetit në Shqipëri për të shpëtuar jetën e njerëzve dhe inkurajuar fuqimisht qytetarët që të ndjekin rreptësisht distancimin shoqëror dhe masat e tjera kuzuese që synojnë minimizimin e ndikimit të pandemisë“, tha Maryam Salim, menaxheri i Bankës Botërore për Shqipërinë.

“Duke pasur parasysh pasigurinë në lidhje me evolucionin e pandemisë, hartimi i projektit është eksibël për të akomoduar nevoja që ka të ngjarë të ndryshojnë pasi njohuritë rreth epidemiologjisë COVID-19 evoluojnë.”

Përfituesit e projektit do të jenë njerëz të infektuar tashmë me COVID-19, qytetarë në rrezik, veçanërisht të moshuarit, dhe persona me sëmundje kronike, personel mjekësor dhe urgjenca, ofrues të shërbimeve në objektet mjekësore dhe testuese, si dhe agjencitë e shëndetit publik. /Albinfo.ch