BE-ja, pro hapjes së negociatave në tetor me Shqipërinë dhe Maqedoninë

Photo - Ministria e Jashteme e Shqiperise- Foto Ilustrim

BE ka publikuar një letër, e cila tregon se nga qershor ishte lënë afat që nisja e negociatave të bëhej tani në tetor. Katër krerët e BE-së kanë thënë se të dy vendet kanë bërë progres, por hapja e negociatave duhet të bëhet dhe për çështje strategjike.

Njëzëri janë shprehur drejtuesit e rinj të Bashkimit Evropian pro nisjes së negociatave për anëtarësimin në BE me Shqipërinë dhe Maqedoninë e Veriut.

Presidenti Donald Tusk, David Sassoli, Jan Claude Juncker dhe Von der Leyen janë shprehur me nota pozitive për Shqipërinë dhe Maqedoninë e Veriut, përcjell albinfo.ch.

Më poshtë mund të lexoni letrën e plotë.

Të dashur kolege,

Qershorin e kaluar u pajtuam të arrinim një vendim të qartë dhe thelbësor për hapjen e negociatave të pranimit me Maqedoninë e Veriut dhe Shqipërinë jo më vonë se tetori 2019.

Bashkimi Evropian qëndron para një zgjedhjeje strategjike. Nëse BE vendos tani për të filluar bisedimet e pranimit me Maqedoninë e Veriut dhe Shqipërinë, është një provë e aftësisë së Bashkimit për të përmbushur premtimet e saj dhe për të parë të ardhmen.

Bota jonë po pëson ndryshime të shpejta. Nëse BE do të ruajë rolin e saj ndërkombëtar dhe të mbrojë interesat e saj, ndërmarrja e një hapi drejt integrimit të atyre vendeve evropiane që kanë shprehur interes dhe kanë përmbushur kërkesat për fillimin e procesit të pranimit do të ndihmojë në arritjen e kësaj.

Maqedonia e Veriut dhe Shqipëria bënë atë që u kërkuam të bënin. Arritja e kësaj kërkonte një përpjekje të konsiderueshme nga qytetarët e tyre, për të cilët perspektiva evropiane ka qenë një burim i shkëlqyeshëm i motivimit dhe vendosmërisë.

Nuk ka asnjë garanci për sukses. Do të ketë shumë punë të vështirë për reformat gjatë rrugës. Anëtarësia nuk do të ndodhë brenda natës. Dhe të dy vendet janë të vetëdijshëm për këtë. Paralelisht, bashkëpunimi i BE-së do të duhet të thellohet për të ecur së bashku me zgjerimin, në interesin e ndërsjellë të qytetarëve të vendeve evropiane dhe ato kandidate. Ne besojmë se tani është koha për të hapur bisedimet e pranimit me të dy vendet.

Kujtojmë se para disa dite Shqipëria ka marrë një “PO” dhe nga Gjermania për hapjen e negociatave në 18 tetor nga BE-ja. Për Shqipërinë votuan 395 deputet pro, 188 kundër dhe 16 abstenim, të cilët kanë thënë se për Shqipërinë janë dhe 9 kushte që duhet plotësuar që të nisin negociatat me Bashkimit Evropian.