Çitaku fajëson Qeverinë e Kosovës për vonesën e liberalizimit të vizave

Nënkryetarja e Partisë Demokratike të Kosovës, Vlora Çitaku, ka reaguar pas vendimit të Parlamentit Evropian për liberalizim të vizave. Ajo në rrjetin social Facebook ka shkruar se vonesat u shkaktuan nga kauzat e rrejshme të pushtetit aktual në Kosovë, përcjell albinfo.ch.

“Me shumë vite vonesë, disa të shkaktuara nga kauzat e rrejshme të eksponentëve të klasës politike që sot janë në pushtet, e disa të tjera nga shpërfillja nga ana e B.E, më në fund u përmbyll procesi i stërgjatur i liberalizimit të vizave. Mirënjohje dhe falënderim të gjithë zyrtarëve publik, në Institucionet qëndrore dhe lokale, për punën dhe angazhimin në përmbushjen e kritereve të paracaktuara nga Komisioni Evropian”, shkroi Çitaku, përcjell albinfo.ch.