Danimarka fiton festivalin e këngës «Eurovision»

20-vjeçarja daneze, Emmelie de Forest ka fituar trofeun muzikor europian me këngën e saj « Only Teardrops »

Danimarka do të jetë nikoqire vitin e ardhshëm e  edicioni të 59-të të “Eurovisionit”ngase përfaqësuesja e këtij shteti , Emmelie de Forest  me këngën “Only Teardrops”  ka fituar në festivalin e sivjetmë  muzikor,  të shtunën mbrëma në Malmö të Suedisë.

Në mesin e 26 këngëve pjesëmarrëse,  Azerbajxhani doli i dyti me 47 pikë pas danezes (281 pikë) ndjekur nga Ukraina dhe Norvegjia e 4-ta, ndërsa Ryan Dolan i Irlandës doli i fundit me vetëm 5 pikë.

Kënga fituese  “Only Teardrops” e kënduar nga 20-vjeçarja  në “Malmö Arena“ është  kompozuar nga Lise Cabble, Julia Fabrin Jakobsen dhe Thomas Stengaard. Është një këngë melankolike që flet për luftën e paqen.

Shqipëria është përfaqësuar me këngën “Identitet” nga Adrian Lulgjuraj dhe Bledar Sejko. Por, kënga e tyre nuk u kualifikua si finaliste.

Përveç Greqisë, asnjë shtet i Ballkanik nuk ka kaluar në finale. Në gjysmë-finale kanë mbetur edhe Serbia, Kroacia, Maqedonia, Mali i Zi e Bullgaria. Bosnje Hercegovina nuk ka marrë pjesë për shkaqe financiare.

Shqipëria garon në Festivalin Evropian të Këngës që nga viti 2004, kur Anjeza Shahini, zuri vendin e shtatë me këngën “Imazhi yt”.

Suksesi më i madh i Shqipërisë deri më tani ka qenë vitin e kaluar.

 Rrona Nishliu me këngës “Suus” ia siguroi Shqipërisë vendin e pestë në finalen që u mbajt në Baku të Azerbajxhanit, ku fitoi Suedia me “Euphoria” të kënduar nga Loreen.

Danimraka e ka fituar edhe dy herë të tjera „Eurosongun“, më 1963 dhe 2000.