Dënohet kosovarja, ka tejkaluar afatin e lejuar të qëndrimit në Gjermani

Pas marrjes së masave policore, 69-vjeçares i është dashur të depozitojë një të ashtuquajtur depozitë sigurie

Një grua 69-vjeçare, shtetase e Kosovës kishte tejkaluar kohëzgjatjen e lejuar të qëndrimit pa vizë në Gjermani. Gjatë kontrollit të daljes së saj nga vendi, në aeroportin Memmingen, Allgau, u vu re se ajo e kishte tejkaluar me 21 ditë afatin e lejuar prej 90 ditësh, transmeton albinfo.ch.

Zyrtarët përgjegjës të kufirit më pas kanë filluar procedimin penal ndaj saj.

Është konstatuar se gruaja në fjalë ka shkelur ligjin gjerman të qëndrimit me faktin e zgjatjes së papautorizuar të qëndrimit të saj në vend, shkruan all-in.de. Pas marrjes së masave policore, 69-vjeçares i është dashur të depozitojë një të ashtuquajtur depozitë sigurie. Fjala është për një shumë të ulët treshifrore, (disa qindra euro) e cila siguron të drejtën e shtetit për të ndjekur penalisht.

Kosovarja më pas mundi të merrte fluturimin e saj të planifikuar për në shtëpi, në Kosovë.

---