Dështimi i një vaksine të re mund të mbyllë aktivitetin e kompanisë Janssen në Bernë

pixabay

Zhvilluesi i vaksinave Janssen po shqyrton mundësinë e mbylljes së fabrikës së tij në Bern, në lagjen Bumpliz. Kompania nisi një proces konsultimi me punonjësit të martën për të gjetur alternativa. Deri në 300 punonjës mund të preken nga një eventuale mbyllje e fabrikës.

Janë dy arsyet kryesore që kanë nxitur këtë reflektim për fabrikën në Bernë, tha të martën filialja e gjigantit farmaceutik amerikan Johnson & Johnson. Së pari, një vaksinë e re për parandalimin e infeksioneve të shkaktuara nga bakteret e colibacilit nuk ka dhënë efektivitetin e pritur.

Së dyti, prodhimi i vektorëve lentiviralë do të ndalojë së shpejti në Bernë, ndërsa kompania globale Johnson & Johnson është gati të inaugurojë një fabrikë shumë më të madhe në Holandë, sipas një deklarate zyrtare.

Fabrika ku zhvillohen aktivitetet e Janssen në Bernë ka një histori të gjatë, duke qenë themeluar në vitin 1898 si Instituti Zviceran i Seroterapisë dhe Vaksinave.