Dhuruesi i veshkës në Zvicër përballet me probleme ligjore për kompensimin e dëmeve

(KEYSTONE/Martial Trezzini)

Një burrë që dhuroi veshkën për motrën e tij pësoi dëmtim nervor gjatë operacionit dhe nuk mund të punojë me kohë të plotë. Sigurimi i motrës fillimisht pagoi të ardhurat e humbura, por kur ajo ndryshoi sigurues, ky i fundit refuzoi kompensimin.

Pas viteve të betejës në gjykata, Gjykata Federale vendosi se kompensimi i tij duhet të shqyrtohet sipas Ligjit të Transplantimit, por kompetenca është e Gjykatës Federale Administrative. Avokati i tij e quan këtë proces rraskapitës, transmeton albinfo.ch.

Ligji synon të mbrojë dhuruesit e organeve nga pasoja financiare, pasi dhurimi është jetik për shumë pacientë dhe trajtimet alternative janë më të shtrenjta. Megjithatë, zbatimi i ligjit mbetet i dobët, duke lënë dhuruesit në vështirësi.