Dy të arrestuar, kontrabandonin municion nga Serbia në Kosovë

Janë arrestuar dy persona në Prizren, pasi të njëjtit janë hasur duke kontrabanduar municion nga Serbia në Kosovë në poligonet e armëve.

Policia ka bërë të ditur se dy të arrestuarit janë dërguar në mbajtje.

“Janë arrestuar dy të dyshuar meshkuj, pasi që, të njëjtin janë hasur duke kontrabanduar municion nga Serbia në Kosovë në poligonet e armëve”.

“Gjatë kontrollit në automjetin e të dyshuarit dhe në një poligon janë gjetur dhe sekuestruar 13368 fishekë me gas cal.9×19. Me vendim të prokurorit pas intervistimit të dyshuarit janë dërguar në mbajtje”, thuhet në raportin e policisë.