Dy të rinj shqiptarë bëjnë një zbulim të rëndësishëm shkencor për shpendët e egër

@unsplash

Dy studentë nga Fakulteti i Shkencave të Natyrës në Shqipëri, Mirjan Topi dhe Ferdinand Bego, kanë realizuar një zbulim të rëndësishëm në fushën e studimit dhe ruajtjes së shpendëve të egër.

Kryeministri Edi Rama u shpreh sot i lumtur dhe krenar për këtë arritje shkencore, e cila ka fituar vëmendje ndërkombëtare në fushën e ornitologjisë, duke u konsideruar një mjet inovativ të krijuar plotësisht në Shqipëri.

Ky mjet quhet “Laguna e Nartës” dhe përdoret për kapjen e kontrolluar të shpendëve për qëllime kërkimore.

Rezultatet e tyre janë botuar në Revistën Ndërkombëtare të Studimit të Shpendëve të Rendit Baltakëve, duke vendosur kështu një standard të ri në ornitologjinë shqiptare.

Shqipëria, me zonat e saj të mbrojtura, njihet për biodiversitetin e pasur dhe përpjekjet e vazhdueshme për ruajtjen dhe studimin e faunës.