Dy të vdekur nga të shtënat në një klub nate në Konstancë

Zjarri nga një ose më shumë persona ka lënë "disa të plagosur", sipas hetuesve

Dy të vdekur dhe disa të plagosur është bilanci tragjik i një konflikti me armë zjarri që ka ndodhur në natën mes të shtunës dhe të dielës në një klub nate në Konstancë, në jug të Gjermanisë, pranë kufirit të Zvicrës, ka bërë të ditur policia lokale. Rrethanat e incidentit mbeten të paqarta.

Një person, shtetas irakian 34 vjeçar ka shtënë në mënyrë të pakontrolluar me ç`rast ka plagosur një të pranishëm, i cili pastaj nga plagët e rënda ka ndërruar jetë. Në vazhdim ka vdekur edhe sulmuesi si pasojë e shkëmbimit të të shtënave me policinë.

Zjarri nga një ose më shumë persona ka lënë “disa të plagosur”, sipas hetuesve. Policia është kontaktuar pas mesnatës, rreth orës 4:30, sipas një zëdhënësi. Autori ose autorët ishin larguar “nga zona e rrezikshme”, nuk është specifikuar nëse ata u arrestuan.

Të shtënat kanë shkaktuar panik në ndërtesën ku ndodhi ngjarja, klientët e diskotekës janë parë duke vrapuar për të ikur ose për t’u fshehur në vende të ndryshme. Sipas mediave gjermane, policia ka arritur në vendngjarje dhe ka rrethuar diskotën, e cila është në një zonë industriale, me forca speciale të ndërhyrjes dhe një helikopter.

Policia përjashton mundësinë që ky sulm të ketë motiv terrorist.