Edhe pas 39 vjetësh, profesorit i refuzohet shtetësia zvicerane

Shtetësia i është refuzuar një profesori 75-vjeçar të ETH-së. Autoritetet refuzuan inxhinierin e kimisë se nuk e njihte mirë politikën zvicerane.

Mësohet se profesorit në pension të ETH-së i është mohuar pasaporta zvicerane, edhe pse ai jeton në qytetin Einsiedeln tashmë 39 vjet. Autoritetet kishin hedhur poshtë një kërkesë të hënën për natyralizimin e amerikanit 75-vjeçar me arsyetimin se ishte shumë pak i integruar.

Profesori me origjinë nga Kalifornia jeton në Einsiedler që nga viti 1975, është i martuar dhe ka tre fëmijë të rritur. Inxhinieri i kimisë kishte ligjëruar dhe ishte marrë me hulumtime mbi 30 vjet në ETH Cyrih.
Njohuritë bazë të Zvicrës i kishte kaluar mirë, edhe njohuritë e gjuhës gjermane ishin të mjaftueshme. Sipas Komisionin për natyralizim, profesori ka pak njohuri për ligjet lokale.
Komisioni pretendon se profesori ka mungesë të njohurive për politikën dhe gjeografinë e Zvicrës.

Profesori me origjinë nga Amerika ka deklaruar megjithatë se ndihet si në shtëpi për një kohë të gjatë në Zvicër.
I huaji duhet të paguajë pavarësisht një vendimi negativ 3600 franga për shërbimet administrative, ndërsa mund të ankohet në instanca më të larta në kanontin Schwyz.