Edhe uji i St-Maurice është i ndotur me baktere

Pas Le Locle, St-Maurice. Qyteti i Valais tha se uji i tanishëm ishte i pasigurt për ta pirë për shkak të pranisë së baktereve. Para ca ditësh albinfo.ch pati folur për kontaminin e ujit në Le Locle, ja që kjo histori po përsëritet edhe në Saint-Maurice (Valais). Komuna ka bërë një deklaratë për të njoftuar popullatën e saj se uji i kroit ishte i papijshëm dhe se duhej të zihej para se të pihet.

Sipas gazetës frankofone Le Nouvelliste, e cila dha e para këtë alarm, bakteret janë zbuluar gjithashtu në rrjetin e ujit të kësaj rrethine. Tani problemi është identifikuar edhe nga autoritetet e ujit.

Ky rast i ri vjen pas një problemi të ngjashëm në Le Locle (NE), ku rrjeti i ujit ka qenë i infektuar nga bakteret fekale Escherichia coli gjatë fundjavës së kaluar. Gati 100º persona vuajnë nga gastroenterita. Origjina e kontaminimit ende nuk është e njohur dhe banorët duhet ta vlojnë ujin para se ta pinë. Qytetit i duhet të shpërndajë ujë në shishe gjithë popullatës sot gjatë ditës.