Edi Rama i reagon ashpër Hagës: Prokuroria nxjerr një mal me m*t

Keystone (AP Photo/Geert Vanden Wijngaert)

Kryeministri shqiptar, Edi Rama, ka reaguar me tone të forta ndaj Prokurorisë së Posaçme në Hagë, e cila kërkoi dënime të gjata për ish-presidentin e Kosovës, Hashim Thaçi, dhe udhëheqës të tjerë të UÇK-së.

Përmes një postimi në X, Rama iu përgjigj pyetjeve të miqve nga Prishtina se pse nuk kishte komentuar ende lajmin e bujshëm, ku prokuroria kërkoi 45 vite burg për Thaçin dhe të tjerët.

“Më pyesin miq pse nuk po flas për mikun tim që sot përballet me 45 vite burg. Nuk po mundem të shpreh ndjenjat, sepse po mundohem të kuptoj logjikën e prokurorisë që doli me këtë kërkesë të jashtëzakonshme për katër burra të gjallë. Fjalët nuk më mjaftojnë… Më duhet kohë ta përtyp gjithë atë mal me m*t që nxori ajo prokurori në zemër të Europës demokratike,” shkroi Rama.