Ekzorcistët vazhdojnë të ndjekin “xhindet” në Zvicër

Vetëm në Ipeshkvinë e Chur-it punojnë 11 ekzorcistë, të cilët ndihmojnë pacientët për "të ndjekur djallin"

Ekzorcistët, priftërinjtë që ndjekin shpirtrat e këqij, (xhindet ose djallin) i njohim nga filmat horror. Por në fakt ata janë pjesë e një dukurie krejt reale dhe bashkëkohore në Zvicër. Vetëm në Ipeshkvinë e Chur-it janë punojnë 11 ekzorcistë. Sipas njërit prej tyre, Christoph Casetti, rastet më të rënda për dëbimin e shpirtrave të këqij vijnë nga Gjermania.

Në këtë vend ekzorcizmi si praktikë është anatemuar që nga viti1976. Si shkas pati shërbyer vdekja e një studenteje nga Bavaria gjatë seancave të ekzorcizmit. Prej atëherë në Gjermani ekzorcistët janë fare të rrallë, shkruan “NZZ am Sonntag”. Ndërkohë, Zvicra është bërë njëfarë bastioni i kësaj praktike që ekziston tradicionalisht brenda Kishës Katolike.

Ekzorcistët i quajnë “Shpirtra të ngarkuar” personat e obsesionuar, të cilët kërkojnë  shpëtim te ta. Kërkesa për shërbimet e tyre është rritur shumë në vitet e fundit. Siç thotë Patër Gabriele Amort, kryetar i Bashkësisë Ndërkombëtare të ekzorcistëve, shkak për këtë rritje kërkesash gjegjësisht për “ndikimin e djallit” është kthesa amorale që ka marrë jeta dhe materializmi. Ai madje tërheq vërejtjen edhe kundër ushtrimeve të joga-s dhe dëgjimit të rok muzikës. Sipas tij edhe leximi i librave si “Harry Potter” që trajtojnë tema të magjisë është i dëmshëm.

Ndërkohë që ekzorcistët e marrin me shumë seriozitet punën e tyre, dhe për të flasin sikur mjekët për trajtimin e pacientëve, shumëkush në shoqëri drejton kritika ndaj tyre. “Voodoo në variantin katolik” e quajnë këtë praktikë kritikët, të cilët tërheqin vërejtjen për rreziqet që dali nga ajo. Studiuesi i religjionit. George Otto Schmid, fjala vjen, thotë se “paraqiten shumë njerëz që kanë përvoja jo te mira me këto shërbime”: