Euro vazhdon rënien

Tendenca rënëse e euros pritet të vijojë gjatë gjithë verës

Euro ka vazhduar rënien. Sipas kursit zyrtar të Bankës së Shqipërisë një euro është këmbyer me 127.07 lekë, rreth 0.17 lekë më pas se një ditë më parë. Euro ka hyrë në trend rënës që prej fundit të prillit dhe të martën ka shënuar ditën e tetë radhazi që ka humbur pikë ndaj monedhës vendase, duke humbur dy pikë. Ky është niveli më i ulët që nga fillimi i  shkurtit 2009, shkruan ‘monitor’.

Prej fillimit të vitit 2018, deri sot euro ka humbur më shumë se 5.8 pikë ndaj lekut vendas. Kjo rënie kaq e fortë e euros nuk pritej që tani, përcjell albinfo.ch.

Faktori kryesor vijon të mbetet oferta e lartë për euro, sidomos ajo informale, që po kanalizohet përmes ndërtimeve.

Ekspertët e bankave pohojnë se ndikim ka dhe procesi i deeuroizimit, të nisur nga banka e Shqipërisë, por që nuk është thelbësor.

Tendenca rënëse e euros pritet të vijojë gjatë gjithë verës. Ekspertët argumentojnë se kjo do të jetë tendenca e euros duke qenë ecuria do të ndikohet edhe prej efekteve sezonale.

Ndryshe nga euro, dollari amerikan ka nisur të fitojë pikë përkundrejt lekut. Sipas kursit zyrtar të Bankës së Shqipërisë një dollar u këmbye me 106.86 lekë, rreth 0.26 pikë më shumë se një ditë më parë.