Fluksi i refugjatëve, pa pasoja ekonomike për vendet pritëse

Fluksi i emigrantëve në Evropë nuk do të ndikojë në rejtingun kreditor për vendet që ofrojnë strehim për refugjatët.

Kështu thuhet në një analizë nga “Standard & Poor” (S & P), cituar nga “MarketWatch”.

Rritja e numrit të refugjatëve “nuk do të ketë një ndikim të rëndësishëm në ekonomitë evropiane dhe buxhetet, të cilat mund të çojnë në reduktim dhe klasifikim të kredive dhe as do të reduktojë ndjeshëm sfidat e “plakjes” që përballen shoqëritë evropiane në dekadat e ardhshme”, thotë “Standard & Poor” (S & P).

Në afat të shkurtër pasojat financiare të krizës me emigrantët janë të rëndësishme.

Për shembull, vitin e ardhshëm qeveria gjermane do të ndajë një kosto shtesë prej 6 miliardë eurosh, ose 2% të kostos totale, këto shpenzime do të kompensohen duke ulur kostot për qëllime të tjera.Në afat të gjatë vendet anëtare të Bashkimit Evropian, të cilat ofrojnë strehim për refugjatët, mund të kenë “ndikim të vogël pozitiv” për shkak se emigrantët mund të lehtësojnë sfidat ekonomike dhe fiskale që shkaktohen nga tendencat demokratike që janë të pavolitshme.

“Fluksi nuk do të zgjidhë problemet e ardhshme në sistemin e pensioneve dhe kujdesit shëndetësor në sfondin e një popullsie në plakje”, thotë “S & P”.
Ekspertët e “S & P” besojnë se paaftësia e BE-së për të vepruar shpejt  ndaj krizës së refugjatëve mund të thotë se aftësia për t’iu përgjigjur një krize të ardhshme financiare mbetet e diskutueshme.