Formohet partia kundër euros

AfD nuk është as parti e majtë dhe as e djathtë dhe nuk i nevojitet drejtimi ideologjik, është thenë në kongres

Të dielën, më 14 prill skena politike e Gjermanisë është pasuruar edhe me një parti të re. Është fjala për partinë që program të vetin ka daljen nga euroja. Partia „anti euro“ siç quhet tashmë subjekti politik me emrin legal „Alternative für Deutschland“ (Alternativa për Gjermaninë AfD), në kongresin e saj të mbajtur të dielën ka tërhequr vëmendjen edhe me mënyrën e themelimit.

Kongresi ka miratuar programin zgjedhor të partisë pa e hedhur atë në diskutim më parë. Pjesëmarrësit vendosën me aklamacion për pjesëmarrjen e partisë në zgjedhjet për Parlamentin Federal që do të mbahen më 22 shtator.

Para rreth 1500 pjesëmarrësve në kuvend, themeluesi i parties Bernd Lucke ka thënë se „koha është pjekur për një parti të illë të tipit të ri“. AfD nuk është as parti e majtë dhe as e djathtë dhe nuk i nevojitet drejtimi ideologjik, është thenë në kongres. Megjithatë , AfD në kongresin e saj themelues është distancuar nga ekstremi i djathtë dhe nga urrejtja ndaj të huajve.

Në fokus të programit të saj zgjedhor, partia ka shuarjen e eurozonës. “Gjermanisë nuk i nevojitet euroja. Edhe shtetet tjera dëmtohen nga euroja”, shkruan veç tjerash në program.

Partia ka rreth 7500 anëtarë.