Frankfurt: Agnesa Kolica, fituese e “Çmimit për Integrim”

Ky çmim është një shembull i shkëlqyer për diasporën tonë

Agnesa Kolica është fituese e Çmimit për Integrim, të cilin këtë vit qyteti i Frankfurtit e ndau për të, shkruan albinfo.ch.

Ajo vjen nga një familje emigrantësh nga Kosova dhe ishte vetëm 1 vjeçe kur erdhi në Gjermani. Pavarësisht sfidave të shumta të integrimit, ajo ka arritur të tejkalojë çdo pengesë me përkushtim dhe punë të palodhur. Pas studimeve në fushën e mediave dhe shkencave politike në universitetet e Nürenberg, Madrid dhe Frankfurt, ku ka përfunduar edhe masterin, Agnesa ka vazhduar të kontribuojë në integrimin e komunitetit të saj.

Në vitin 2022 ajo themeloi Organizatën Joqeveritare “Grow Together” me seli në Frankfurt, një organizatë e cila merret me mbështetje dhe integrim të komunitetit. Efektet e punës së saj kanë pasur një impakt të madh në qytetin e Frankfurtit.

Ky çmim është një shembull i shkëlqyer për diasporën tonë.

---