Gabim në transaksione, të prekurit dëmtohen dyfish

21 janari nuk ka qenë me fat për shfrytëzuesit e kredit karteleve Maestro. Të gjithë ata që kanë paguar të martën me kredit kartela në fjalë janë prekur nga një gabim transaksion

Përgjegjësit financiarë të kompanisë «SIX» kanë pranuar se bëhet fjalë për një gabim në përpunimin e transaksioneve dhe çdo pagesë është regjistruar dy herë.

Kompania në fjalë “SIX“ në bashkëpunim të ngushtë me bankat po punon për të rregulluar problemin, ndërsa pagesa e dyfishtë do t’u kthehet të prekurve me kartela bankare “Maestro”.

Përgjegjës të kompanisë nuk kanë komentuar për numrin e klientëve të prekur, apo edhe për shumën e transaksionit.

Klientët e prekur nuk duhet të ndërmarrin asgjë. Kompania ka thënë se do të zgjidhë problemin pa i angazhuar klientët.

1.67 milionë transaksione bëhen për një ditë pune

“SIX”, degë e “SIX Interbank Clearing”, është një ndërmarrje e përbashkët e qendrës financiare të Zvicrës për realizimin e pagesave bankare.

Ajo vepron nën autoritetin dhe mbikëqyrjen e Bankës Nacionale të Zvicrës (SNB), sistemi i pagesave SIC (Swiss Interbank Clearing). Me të pagesat në franga trajtohen në kohë reale në mes të institucioneve financiare.

Më 2013 janë përpunuar rreth 420 mijë transaksione nëpërmes sistemit SIX, thonë në SNB, transmeton Argauerzeitung.

Mesatarisht ka pasur 1.67 milionë transaksione për një ditë pune. Qarkullimi mesatar ditor arriti në 127.2 miliardë franga.