Gjenevë: Një strehë për të rinjtë LGBT, të refuzuar nga familjet e tyre

“Le Refuge Genèvë”, është një strehë emergjente për të rinjtë LGBT të hedhur jashtë nga familjet e tyre. Kjo strehë sapo ka hapur dyert e saj në lagjen Pâquis. Kjo strukturë unike në Zvicër është e bazuar në një model francez.

“Ne kemi dy djem 19-vjeçarë qe disa javë”, tregon Alexia Scappaticci, koordinatore e kësaj strehe në Gjenevë. Ata ndajnë një apartament prej rreth 60 m2 me qira nga shoqata që i mbikëqyr Dialogai.

Këta dy djem jetojnë në këtë apartament me tri dhoma, me një kuzhinë dhe do të rrinë aty gjersa të arrijnë të rindërtohen ndryshe. Dy djelmoshat do të mund të qëndrojnë aty për një periudhë prej tre muajsh dhe mund të bëjnë një kërkesë për të ndejtur edhe tre muaj të tjerë.
Dy të rinjtë kanë një histori të ndryshme, por të dytë janë hedhur jashtë nga familjet e tyre për shkak të homoseksualitetit të tyre. “Kur jeni i dënuar nga familja juaj, është shumë e vështirë të strukturohesh”, thekson znj. Scappaticci.