Gjermanisë i mungojnë 370.000 vende për strehimin e refugjatëve

Keystone

Komunave gjermane u mungojnë vendet e përshtatshme për strehimin e 370 mijë refugjatëve vetëm për këtë vit. Është llogaritur që ato gjatë tërë vitit 2015 të strehonin 870 mijë ndërsa vetëm gjatë periudhës tetor-dhjetor rreth 380 mijë, thuhet në një sondazh të realizuar me 300 komuna të mëdha të Gjermanisë.

Dhe sipas sondazhit të realizuar nga kompania Ernst&Young rezulton se aktualisht janë në dispozicion vetëm 500 mijë vende për strehim. Brenga kryesore që i mundon tri të katërtat e komunave është mumgesa e hapësirave të pershtatshme për strehimin e refugjatëve.

Në shumë vende po bëhen para së gjithash vetëm improvizime, thotë eksperti Hans-Peter Busson. “Një planifikim afat mesëm ose afatgjatë në komuna nuk ekziston, para së gjithash për faktin se është ende e paqartë si do të zhvillohen në muajt e ardhshëm numrat e azilkërkuesve në Gjermani”.