Google: 12 mijë kërkesa për të fshirë të dhënat në Internet

Gjiganti i nternetit Google është përballur brenda 24 orëve me mijëra kërkesa për heqjen e të dhënave nga interneti

Vetëm për një ditë janë dorëzuar 12 mijë kërkesa në Google për fshirjen e rezultateve të padëshiruara të kërkimit. Sipas” Wall Street Journal”  janë paraqitur 20 kërkesa për minutë në  Google për fshirjet të dhënave në internet.

Kërkesat tregojnë se sa të mëdha janë nevojat nga përdoruesit për të hequr shënimet e padëshiruar nga Interneti .

Kërkesat e tilla  i vijnë makinës së kërkimit pas vendimit të Gjykatës së Drejtësisë të Bashkimit Europian që Google të heq të dhëna me kërkesë të njerëzve të rëndomtë në një test të quajtur “e drejta për t’u harruar”.

Në verdiktin e saj, Gjykata me seli në Luksemburg ka vendosur që njerëzit kanë të drejtë që të kërkojnë largimin e informacioneve që nuk janë më të rëndësishme.

E gjithë kjo vjen pasi Mario Costjea Gonzalez është ankuar se një kërkim i emrit të tij në Google ka risjellë një artikull gazete për një shitje të pronës që e kishte bërë 16 vjet më parë për të mbuluar borxhe.