“Google” ka filluar t’i shlyejë webfaqet zvicerane

“Google” ka filluar t’i shlyejë webfaqet zvicerane në bazë të një vendimit të Gjykatës së Bashkimit Evropian. Megjithatë, është e paqartë se a është kjo e lejuar.

“E drejta për harresë” do të zbatohet edhe në Zvicër. Pyetja është se është kjo në kundërshtim me lirinë e informimit.

Prej kur Gjykata e Bashkimit Evropian (EuGH) ka detyruar Googlen në maj të zbatojë ligjin e ashtuquajtur „E drejta për harresë”, në kompaninë e internetit është duke u punuar me të madhe. Google nuk guxon më të paraqesë në listën e rezultateve webfaqe me përmbajtje të të dhënave të personave të prekur që e kërkojnë në gjë të tillë.

Plot 100 mijë kërkesa i ka pranuar Google deri sot që janë në duar të juristëve, të cilët vendosin prej rastit në rast, se si t’iu përgjigjen këtyre kërkesave.

Megjithëse Gjykata e Bashkimit Evropian këtë vendim e ka lëshuar vetëm për shtetet e Bashkimit Evropian, Google ka reaguar edhe në 32 shtetet e Eftas dhe me këtë edhe në Zvicër. Deri në qershor Google ka pranuar 1645 kërkesa për shlyerje në 7085 adresa.

Ndërkohë ata kanë nisur t’i shlyejnë webfaqet e para, njofton zëdhënësi i Googles, Samuel Leiser, për agjencinë e lajmeve SDA.

Se sa webfaqe janë shlyer prej rezultatit të kërkesave në Google deri më tani nuk dihet. Po ashtu nuk do të publikohet një listë me webfaqet e shlyera.  Mirëpo, pronarët e webfaqeve do të njoftohen rreth largimit të linkut të tyre nga dritarja e kërkimit të rezultateve. Verifikimit të kërkesave do t’i shkohet një nga një, siguron Leiser. Pyetja që shtrohet në këtë pikë është se a guxon në të vërtetë Google t’i shlyejë këto faqe.

“E drejta për harresë” nuk është koncept i ri dhe Gjykata Zvicerane do ta marrë vendimin e Gjykatës së Bashkimit Evropian, thuhet në një sqarim të Agjencisë Shtetërore për Mbrojtjen e të Dhënave (EDÖB).
Këto vlerësime i refuzon kategorikisht avokati i së drejtës, Daniel Hürlimann. Juristi nga Berna është i specializuar në të drejtën për internet dhe është marrë me këtë vendim dhe zbatimin e tij në Zvicër.

Sipas tij: „Vlerësimet e mbrojtësve të të dhënave, nga ku një Gjykatë zvicerane nga një situatë e njëjtë do të vinte në një përfundim të njëjtë, nuk mund të përcillen“.

Vendimi  Gjykatës Evropiane për kompaninë Google është në kundërshtim me lirinë e informimit, e cila është e garantuar me Konventat Evropiane për të Drejtat e Njeriut dhe Kushtetuta e garanton këtë, argumenton mes  tjerash Hürlimann për Computerworld.ch.